Emri: Vila Farka 
Viti i ndërtimit: Para 1944
Adresa: Rruga e Kont Uranit, Tiranë
Statusi: Monument kulture, kategoria II
Gjendja aktuale: E pabanuar

Përballë hyrjes së barit “Hemingway” në rrugën Kont Urani, është e vendosur një vilë dy katëshe, ku pjesa e katit të parë nuk është e dukshme, për shkak se është e rrethuar nga hapësirat e bizneseve.

Fasada e katit të dytë është karakteristike e vilave para 1944, por mungesa e mirëmbajtjes bie në sy nga muret e zhveshura nga suvaja, tullat e qerpicit, dritaret e larta jeshile të zhveshura, e çatia e dëmtuar.

Kati i dytë është i braktisur prej shumë vitesh, pasi familja Farka, e cila ka në pronësi vilën, është zhvendosur në Kanada. Funksionale janë vetëm bizneset, të cilat janë ndërtuar si shtesë, pas komunizmit. Nga informacioni i dhënë nga fqinjët përreth, fillimisht këto biznese kanë shërbyer si bare e më pas si zyra noterie. Pronarët kanë qënë gjithomë e njëjta familje, e cila e ka trashëguar pronën, e cila asnjëherë nuk ka qënë e konfiskuar nga shteti.

Është e padallueshme nëse ka pjesë oborri dhe bimësi, edhe nga pjesa e përparme e vilës, është e ndërtuar një tjetër shtesë, e mbivendosur tek bizneset dhe ngjitur me objektin përkrah, duke e kufizuar pamjen e plotë të godinës.

Përgjatë viteve vila nuk ka pasur ndryshime në fasadë dhe në brendësi si edhe disa shtesa.

Kliko mbi shenjën + për të lexuar informacionin

Pronari

Pronari aktual
Emër: Skënder dhe Haxhi Farka

Pronari para 1944 (i origjinës)
Emër: E njëjta familje

Përshkrimi i fasadës nga rruga

Veriore: Fasada e jashtme është e dëmtuar, me mur të rënë, çatmaja e dëmtuar, dritare te dëmtuara dhe xhama të thyer.

Përshkrimi i fasadave te tjera:

Jugore: E dëmtuar, fasadë e rënë
Lindore: E dëmtuar, fasadë e rënë
Perendimore: E dëmtuar, fasadë e rënë

Çatia:

E dëmtuar tërësisht/ e shkatërruar

Muri rrethues

I dëmtuar tërësisht/ i paaksesueshëm. Porta e hyrjes në banesë e kyçur.

Oborri

Pemët; llojet e gjelberimit: Palma, pisha, pemë frutore, lule dhe shkurre.

Ndërhyrje të jashtligjshme

Jo

Restaurimet:

Jo

Rikonstruksionet:

Jo

Shembje:

Jo

Inspektimet nga organet e shtetit:

Jo

Shënime:

Para vilës ka disa shtesa që shërbejnë si dyqane.
Pronarët e vilës ndodhen në Kanada dhe vila është e braktisur.

Informacione

Rruga Kont Urani, Tirana, Albania

Ndërlidhje
Citizen Channel

Citizens Channel është një media që ka për qëllim të promovojë zhvillimin e gazetarisë qytetare në Shqipëri dhe të fuqizojë zëra të përgjegjshëm, në përputhje me vlerat e një shoqërie gjithë pranuese dhe tolerante, në respektim të lirive e të drejtave themelore të njeriut.

Regjistrohu

Keni llogari?