Emri: Familja Jonuzaj
Viti I ndërtimit: Para 1944
Adresa: Rruga Mihal Duri, Tiranë
Statusi: Monument kulture
Gjendja aktuale: E banuar 

Pas rrugës së Kavajës, në rrugën Mihal Duri ngrihet një vilë 4 katëshe përqafuar nga një rresht pemësh mbjellë përmbri saj. Me një ngjyrë të hirtë të hapur pasqyron plogështi në ditët e vrenjtura dhe merr ndriçim në ato me diell.

Në katin e parë të godinës ndodhet disa dyqane, të cilat i kishin mbyllur kanapet kur ne e fotografuam. Në katin e dytë, ndryshimi i funksioneve të godinës pasqyrohet edhe më shumë. Sipas banorëve të pyetur në lagje, në katin e dytë, pas funksionit të banimit më herët ka qenë banka jugosllave, ndërsa tani shërben për zyra.

Godina ndër vite ka kaluar rikonstruksione të ndryshme me qëllim mirëmbajtjen e saj, ndërsa mbrojtjen nga shteti sipas banorëve e ka marrë në 10 vjeçarin e fundit.

Kati i tretë i godinës është i braktisur, reflektuar kjo edhe nga dritaret të cilat në disa prej tyre nuk kanë xhama e në disa të tjera kanatet mbyllëse prej druri të lehtë qëndrojnë të ç’rregullta, me shumë lehtësi për t’u lëvizur nga era apo ndryshimet e motit.

E njëjta gjë konstatohet edhe në katin e katërt, i cili nuk ka disa dritare dhe në disa të tjera ajrit dhe erës i pritet rruga me disa plastmasë të vendosur si mburojë.

Çatia është në gjendje të keqe, vende vende me mungesë tjegullash dhe me mungesë të mbajtëseve të drurit, që e parë në tërësinë e ndërtesës të jep djesinë e një ndërtese me karakter të fortë, por të lenduar dhe të keqmbajtur nga banorët.

Kliko mbi shenjën + për të lexuar informacionin